हेटौँडा । द भोईस किड्स नेपाल सिजन ५ को पहिलो ब्याटल कोच सत्यको टिमबाट सगुन पौडेलले जितेकी छिन् । उनले कोच सत्यकै अर्का २ प्रतियोगीहरु दिपान्शी शर्मा दाहाल र आराध्या पण्डितलाई ब्याटलमा पराजित गर्दै लाईभ राउण्डका लागि छनौट भएकी हुन् । उनले ब्लाईण्ड अडिसनमा चारै कोचको कुर्सी घुमाएकी थिईन् ।
सगुनसँग ब्याटल भिडेकी दिपान्शीले एक कुर्सी र आराध्याले चार कोचको कुर्सी घुमाएकी थिईन् । कोच सत्यले आराध्यालाई कोच अर्जुनलाई सुपर ब्लक गर्दै आफ्नो टिममा लिएका थिए । कोचहरुले स्टिल पावर प्रयोग नगर्दा यी दुबै प्रतियोगी शोबाट बाहिरिएका छन् ।
Sagun Poudel Battle Round The Voice Kids Nepal Season 5
द भोइस किड्स नेपाल सिजन ५ को ब्लाईण्ड अडिसनमा चारै कोचको कुर्सी घुमाउने एघारौँ प्रतियोगी हुन् सगुन पौडेल । उनी कोच सत्यको टिममा छिन् । १२ वर्षीया सगुन दाङकी हुन् । १० वर्षको उमेरमा यसअघि द भोईस किड्स सिजन ३ मा सहभागी भएकी सगुनले त्यस समयमा कुनै कुर्सी घुमाउन सकेकी थिईनन् तर उनले सिजन ५ मा चारै कोचको कुर्सी घुमाएर तहल्का मच्चाएकी छिन् । कक्षा ८ मा अध्ययनरत सगुन निरन्तर संगीत क्षेत्रमै लाग्दैछिन् । सिजन ३ मा रुँदै बाहिरिएकी सगुनले यसपटक त्यसबेलाको पिडा मात्र भुलाईनन् बरु उनले आफु संगीतमा अझै खारिएर आएको प्रमाण दिईन् ।
आमाबुवा र परिवारबाट नै संगीत क्षेत्रमा लाग्न सपोर्ट पाएकी सगुन नृत्य र अभिनयमा पनि रुचि राख्छिन् । ब्लाईण्डमा सहभागी हुनुभन्दा केही समयअघि मात्रै हजुरआमा गुमाएकी सगुनलाई उनको हजुरआमाबाट पनि गीत गाउन प्रेरणा मिलेको उनका बुवा बताउँछन् ।
यो पनि हेर्नुहोस्– नायिका काजल कर्णले खोलिन् नेपाली फिल्मी क्षेत्रको विभेदको ‘कुरुप अनुहार’
