हेटौँडा । मकवानपुरको हेटौंडा उपमहानगरपालिका–१२ भोर्लेमा साईकल दुर्घटना हुँदा दुई जना बालक घाइते भएका छन् । शनिबार बिहान करिब ११:२५ बजे भोर्लेबाट रमनटारतर्फ जंगलको भित्री सडक हुँदै जाँदै गरेको साईकल अनियन्त्रित भई करिब ३०/३५ मिटर तल भिरमा खसेको प्रहरीले जनाएको छ ।
Hetauda 12 Bhorle मा भएको घटनापछि के भयो ?
दुर्घटनामा गंगाराम पाख्रिनका १२ वर्षीय छोरा साजन पाख्रिन घाइते भएका छन् । उनको टाउको, मुख तथा दुवै हातखुट्टामा चोट लागेको छ र हेटौंडा अस्पतालमा उपचार भइरहेको छ । त्यस्तै कुमार थापा मगरका १२ वर्षीय छोरा रोणित थापा मगरको टाउको तथा शरीरका विभिन्न भागमा चोट लागेको छ ।
Hetauda 12 Bhorle को घटनापछि अहिले अवस्था कस्तो छ ?
उनलाई CMC चुरेहिल अस्पतालमा उपचारका लागि लगिएको छ । उनी अर्धचेत अवस्थामा रहेका छन् र अवस्था गम्भीर रहेको प्रहरीले जनाएको छ । प्रहरीका अनुसार साईकल साजन पाख्रिनले चलाएका थिए भने पछाडि रोणित थापा मगर सवार रहेका थिए ।
यो पनि हेर्नुहोस्– ४ जीपीए ल्याउने मकवानपुरका १३ विद्यार्थीलाई हेटौंडा उपमहानगरपालिकाद्वारा सम्मान
