मकवानपुर । गायिका अञ्जना सारुको नयाँ गीत ‘तिम्रो मायाले’ सार्वजनिक भएको छ । Anjana Saru New Song द भोईस अफ नेपाल सिजन ७ की सर्वाधिक चर्चित प्रतियोगी तथा सुमधुर आवाजकी धनी अञ्जनाले शुक्रबार आफ्नै च्यानलबाट भिडियोसहित गीत सार्वजनिक गरेकी हुन् ।
शोमा दमदार प्रस्तुतिहरु दिएर तहल्का मच्चाएकी अञ्जनाले शो सकिए लगत्तै विभिन्न चर्चित गीतहरु सार्वजनिक गरेकी छिन् । यसैबिच पछिल्लो पटक सार्वजनिक भएको गीत ‘तिम्रो मायाले’ मा अञ्जनाको सुमधुर आवाजसँगै अभिनय पनि हेर्न सकिन्छ । म्युजिक भिडियोमा द भोईस अफ नेपाल सिजन ७ की अर्की चर्चित प्रतियोगी मनुमित लेप्चा र कलाकार प्रभात पल ठकुरीको अभिनय गरेका छन् ।
गीतमा द भोईस अफ नेपालमा सफलता प्राप्त गरेपछि गाउँमा फर्किएका दुई साथीहरुको कथा छ । उनीहरुको रोमाञ्चक प्रेमकथाले अन्तमा एउटा रमाईलो क्लाईमेक्स पनि देखाउँछ । पुरै कथा थाह पाउन तपाईले म्युजिक भिडियो हेर्न सक्नुहुनेछ ।
Anjana Saru New Song Details
निशान कुमालको शब्द तथा विनय कार्की क्षेत्रीको संगीत रहेको गीतका म्युजिक प्रोड्युसर संजीव सुब्बा हुन् । गीतको मिक्सिङ मास्टरिङ साजन शाहले गरेका छन् । म्युजिक भिडियोलाई गौरव गिरीले निर्देशन गरेका छन् । जेनिश तामाङको छायाँकन रहेको म्युजिक भिडियोलाई अनिल रानाले सम्पादन गरेका छन् । म्युजिक भिडियोलाई आरोही बिट्सले प्रस्तुत गरेको हो ।
गायिका अञ्जना सारु द भोईस अफ नेपाल सिजन ७ को सेमिफाईनलसम्म पुग्न सफल भएकी थिईन् । उनी सिजन ७ मा चारै जना कोचको कुर्सी घुमाउने बिसौँ प्रतियोगी हुन् । पाल्पाकी अञ्जनाको प्रस्तुतिमा ब्लाईण्ड अडिसनमा कोच मेलिनाले कोच खेमलाई ब्लक गरेकी थिईन् । २७ वर्षीया अञ्जना कोच मेलिनाको टिममा थिईन् । ब्लाईण्ड अडिसनमा उनको कारुणिक प्रस्तुतिले दर्शकहरुको मन छोएकोले दर्शकहरुले वान्समोरको हुटिङ समेत गरेका थिए । त्यसपछि उनले शोमा लगातार चर्चा पाएकी थिईन् ।
हेर्नुहोस् म्युजिक भिडियो–
यो पनि हेर्नुहोस्– गायिका रञ्जिता विश्वकर्माको ‘निष्ठुरी’ सार्वजनिक
