हेटौडा । मकवानपुर जिल्लाकै पहिलो जेसीज संस्था हेटौडा जेसीजको अध्यक्षमा सन्तोष पराजुली निर्वाचित भएका छन् । सन् २०२६ कार्यकालका लागि शनिबार सम्पन्न निर्वाचनबाट पराजुली ४८औँ अध्यक्षमा निर्वाचित भएका हुन् । निर्वाचनमा कुल २०८ मतदातामध्ये १८७ मत खसेको थियो । तीमध्ये २ मत बदर भई १८५ मत सदर भएको थियो । सदर मतमध्ये सन्तोष पराजुलीले १०७ मत प्राप्त गर्दै विजय हासिल गरेका थिए भने उनका प्रतिस्पर्धी जीवन ढकालले ७८ मत प्राप्त गरेका थिए । हेटौडा जेसीजको कार्यकारिणी उपाध्यक्षमा विपिन ताम्राकार र सञ्जयकुमार न्यौपाने निर्विरोध निर्वाचित भएका छन् । त्यस्तै उपाध्यक्ष पदमा अशोककुमार सिंह, विनोद वाग्ले, विवेक बानिया र श्रृजनराज बज्रचार्य पनि…

हेटौँडा । हेटौँडा जेसीजले जेसिज सप्ताह–२०२५ का अवसरमा विभिन्न सामाजिक तथा युवामुखी कार्यक्रम सञ्चालन गर्ने भएको छ। आगामी मंगलबार कात्तिक १८ गतेदेखि सुरु हुने सो सप्ताहमा रक्तदानदेखि खाद्यान्न वितरणसम्मका गतिविधि समावेश गरिएका छन्। आइतबार आयोजित पत्रकार सम्मेलनमा हेटौँडा जेसीजका अध्यक्ष पंकज दास बानियाँले कात्तिक १८ गतेदेखि २२ गतेसम्म सञ्चालन हुने कार्यक्रमहरू समाजसेवा र युवाको सक्रिय सहभागितामार्फत सकारात्मक सन्देश फैलाउने उद्देश्यले आयोजना गरिएको जानकारी दिए। मूल कार्यक्रम संयोजक सन्तोष पराजुलीका अनुसार, पहिलो दिन कात्तिक १८ गते बिहान ७ बजे हुप्रचौरमा रक्तदान कार्यक्रम हुनेछ। त्यसपछि बिहान ८ः३० बजे ‘स्लो बाइक’ प्रतियोगिता सञ्चालन गरिनेछ। कात्तिक १९ गते बिहान अन्तर–जेसिज वक्तृत्वकला प्रतियोगिता र दिउँसो…

हेटौंडा । हेटौंडामा जग्गा प्रशासनसँग सम्बन्धित समस्या पहिचान, सहजिकरण र व्यवस्थापनका विषयमा तीन दिने समीक्षा कार्यक्रम सुरु भएको छ। भौतिक पूर्वाधार तथा अभिलेख विभागले आर्थिक वर्ष २०८१/८२ मा सम्पादन गरेका कामको प्रगति विवरण सहितको समीक्षा कार्यक्रममा हेटौंडा उपमहानगरपालिकाकी नगर प्रमुख मीना कुमारी लामाले आफ्नो धारणा व्यक्त गर्नुभएकाे थियाे । कार्यक्रममा बागमती प्रदेशका १३ जिल्ला र मधेस प्रदेशका ४ जिल्लाका प्रमुख मालपोत अधिकृतहरूको सहभागिता रहेको छ। उनीहरूले आफ्ना-आफ्ना जिल्लामा भएका काम तथा अनुभवका बारेमा प्रस्तुतिकरण गर्नेछन्। समस्या समाधानका उपाय तथा सुधारका सम्भावनाबारे छलफल हुने कार्यक्रम भदौ १४ गतेसम्म चल्ने आयोजकले जनाएकाे छ।

हेटौँडा । हेटौँडा उपमहानगरपालिका क्षेत्रभित्र दैनिक रुपमा फोहर संकलन तथा व्यवस्थापनमा संलग्न सरसफाई मजदुरहरूको स्वास्थ्य तथा सुरक्षालाई मध्यनजर गर्दै सामाजिक सुरक्षा कोषमा आवद्ध गराउने कार्यक्रम सुरु गरिएको छ। कार्यक्रमको शुभारम्भ हेटौँडा उपमहानगरपालिकाका नगर प्रमुख मीनाकुमारी लामाले गर्नुभएको हो। नगरप्रमुख लामाले वडा नं.–१० का अध्यक्ष फुर्वा दोर्जे तामाङ को उपस्थितिमा कार्यक्रमको शुभारम्भ गर्नुभएको हो । सुरुवाती चरणमा उपमहानगरभित्र दैनिक सरसफाईमा खटिने ५३ जना मजदुरलाई सामाजिक सुरक्षा कोषमा संलग्न गराइएको छ। उपमहानगरपालिकाले फोहर व्यवस्थापन कार्यलाई साझेदारी संस्थामार्फत अघि बढाउँदै आएको छ, जसअन्तर्गत ग्रिन एण्ड क्लिन सिटी, हेटौँडा सक्रिय रूपमा कार्यरत छ। यस पहलले सरसफाई मजदुरहरूको स्वास्थ्य सुरक्षामा सहयोग पुग्ने र पेशागत सम्मानमा…