मकवानपुर । तामाङ भाषाको चलचित्र ‘ए ङाला ह्राङ्बा माया’ को टाईटल गीत सार्वजनिक भएको छ । चर्चित नायक तथा निर्देशक हुत्त सञ्जय लामाको प्रमुख भूमिका रहेको यस चलचित्रको शिर्ष गीतमा हृदयविदारक कथा समावेश गरिएको छ ।
गीतको म्यूजिक भिडियो ह्याङ्ला म्हारम्हेन्दो मिडिया प्रालिको अफिसियल युट्युब च्यानलमार्फत सार्वजनिक भएको हो । शिर्ष गीतमा बिछोडिँदै गरेको दुई प्रेमीको कथा छ । अर्पण थिङको संगीत, एरेञ्ज र आवाजमा तयार भएको यस गीतलाई सागर दोङ तामाङ र हुत्त संजय लामाले लेखेका हुन् ।
चलचित्रमा हुत्त सञ्जय लामा, तारा थोकर, विक्रम लामा, प्रज्मी बोम्जन, हेमकुमार तितुङ, हिराबहादुर मोक्तान, गोकुल तामाङ, कुमार मोक्तान, अनिल ब्लोन, राजकुमार स्याङ्तान, संगिता बोम्जन, राम तामाङ, राजकुमार बल लगायतका कलाहरुको अभिनय रहेको छ ।
नायक हुत्त सञ्जय लामाकै कथा, स्क्रीनप्ले र निर्देशन रहेको यस चलचित्रलाई ह्याङ्ला म्हारम्हेन्दो मिडिया प्रालिले निर्माण गरेको हो । चलचित्रमा प्रज्वल राउतको सिनेम्याटोग्राफी, विश्वजंग माझीको कोरियोग्राफी र मेकबहादुर थापाको सम्पादन रहेको छ । चलचित्रका निर्माता लोसाङ लामा र इशान लामा हुन् । हेर्नुहोस् भिडियो–